Дзень беларускай мовы
Што такое мова? Зразумела, кожны адкажа на гэтае пытанне па-рознаму, бо кожны па-свойму разумее значэнне гэтага слова. Для нашага народа родная мова – беларуская. Беларуская мова прайшла доўгі шлях, на якім былі як часы росквіту, так і часы заняпаду. Былі нават такія перыяды, калі беларуская мова ледзь не знікла. Аднак, нягледзячы на ўсе перашкоды, наша мова вытрымала выпрабаванні і цяпер квітнее, займае сваё пачэснае месца сярод іншых моў свету.
У межах Дня беларускай мовы на базе ўстанове адукацыі прайшла акцыя “Гавары са мной па-беларуску”, у рамках якой дзеці не толькі размаўлялі па-беларуску, але і пісалі адзін аднаму эсэмэскі на беларускай мове. Акцыя “Чытаем разам” аб’яднала навучэнцаў прыхільнікаў беларускай мовы. У ходзе інтэрактыўнай гульні-квэсту "Ад пачуцця - да дзеяння" выхаванцы паглыбілі свае веды аб асаблівасцях культуры і гісторыі роднага краю. Творчы конкурс "Мне выпала шчасце тут нарадзіцца" складаўся з двух этапаў: конкурсу "Мастакі", дзе дзеці малявалі карціны нашай Радзімы не фарбамі, а словамі. Яны выказвалі пачуццё гонару і глыбокай павагі да нацыянальнай спадчыны. Другая частка конкурсу складалася са стварэння калектыўнага плаката "Малая Раздіма - вялікая любоў". Дзеці з задавальненнем малявалі любімыя мясціны роднага краю. Конкурс малюнкаў “Мая малая радзіма” дапамог выявіць творчыя таленты дзяцей.
